Украина президенті Владимир Зеленский армия санын 100 мың адамға ұлғайту туралы жарлыққа қол қойды, сондай-ақ ел экономикасы тұрақтанды деп сендірді, - деп хабарлайды "Адырна " тілшісі РИА Новостиге сілтеме жасап.
Атап өтілгендей, жарлыққа Мемлекет басшысы сессияның ашылу салтанатына келген Жоғарғы Радада сөйлеген сөзінде қол қойылған.
"Жарлық барлық әскерилерді қаржылық қолдауды ең төменгі жалақының үштен кем емес деңгейіне дейін арттыруды көздейді. Сондай-ақ Украина қарулы күштерінің санын алдағы үш жылда кәсіби армияның 100 мың адамға ұлғайту көзделген», - деді Зеленский сейсенбі күні Жоғарғы Раданың жетінші сессиясының ашылуында сөйлеген сөзінде.
Сонымен қатар, мердігерлердің қызмет ету мерзімін ұзарту көзделуде. Оның айтуынша, бұл жақында соғыс болатындығынан емес, «бейбітшілік болсын деп» елдің кәсіби армияға көшуінің басталуын қолға алу мақсатында.
Сондай-ақ өз сөзінде Зеленский ел экономикасы тұрақтанғанын, қаржы жүйесі бақылауға алынғанын айтты.
"Қаржы жүйесінде барлығы бақылауда. Қаңтар айында бюджет кірісі 7 миллиардқа артығымен орындалды. Гривна бүгін жақсы деңгейде, кеше ол 30 тиынға нығайды, біз жоспарлы және тұрақты мөлшерлемеге біртіндеп қайта оралып жатырмыз. Бір аптаға жуық уақыт сол жерде. Біздің облигацияларымыз бойынша халықаралық қаржы нарықтарында оң үрдіс болды. Қаржы әлемі Украинаның болашағына оптимистік көзқараспен баға береді», - деді Зеленский парламенттің ашылу отырысында.
Ол Украинада жеткілікті газ және көмір қоры бар екенін айтты. Президенттің айтуынша, алтын-валюта қоры рекордтық деңгейде қалып отыр, «бұл әртүрлі ауытқулардан қорғайды және экономикалық иммунитетті нығайтады».
Жақында Киев пен Батыс мемлекеттері Ресейдің Украина шекарасына жақын жердегі белсенділігіне алаңдаушылық білдірді. Мәскеу ешкімге қауіп төндірмейтінін және ешкімге шабуыл жасамайтынын айтып, барлық айыптауларды жоққа шығарады.
"Адырна" ұлттық порталы
