2021 жылы әуе акомпаниясы Халықаралық әуе көлігі қауымдастығының (IATA) IOSA (IATA Operational Safety Audit) аудитінен сәтті өтті. Әуе компаниясы бұл рәсімнен алғаш рет 2007 жылы өтті. IOSA аудиті әуе тасымалдаушыларының операциялық басқару және басқару жүйелерін бағалауға арналған. IATA талаптарына сәйкес, осы халықаралық ұйымға мүше барлық әуе компаниялар екі жылда бір рет IOSA аудитінен өтеді.
IOSA сертификаты әуе компаниясының мыңға жуық қауіпсіздік пен сапа талаптарына сай сенімді тасымалдаушы ретінде танылуының маңызды факторы болып табылады.
IOSA аудиті компания қызметінің ұйымдастыру мен басқарудың корпоративтік жүйелері, ұшу операциялары, ұшуды басқару және диспетчерлік қызмет көрсету, әуе кемелеріне техникалық қызмет көрсету, борттық техникалық қызмет көрсету, әуе кемелерін жерде өңдеу, жүк операциялары және авиациялық қауіпсіздік сияқты салаларын қамтыды. Аудиттерді IATA аккредиттелген аудиторлық ұйымдар жүргізеді және бір ұйым әуе компаниясына қатарынан екі рет аудит жүргізе алмайды.
2021 жылдың қараша және желтоқсан айларында әуе компаниясы Нұр-Сұлтандағы өзінің техникалық базасында алғаш рет техникалық қызмет көрсетудің күрделі түрін C-check-ті екі A321 ұшағына жүргізді, ал биыл 8 әуе лайнеріне C-check жоспарланған. Әуе компаниясы сонымен қатар Turkish Airlines, Lufthansa, Fly Dubai, Air Arabia, Wizz Air, Asiana Airlines, Qatar Airlines, Lot, Azal, Cargo Lux және басқа да әуе компанияларына техникалық қызмет көрсетеді.
Air Astana әлемдегі ең жас флоттардың біріне ие, оның орташа жасы 3,3 жылды құрайды. 2021 жылы флот үш жаңа Airbus A321LR лайнерімен толықты және 26 ұшағы бар.
Фотосурет авторы: Елена Сергиенко
