Қазақстандықтарға алғашқы отбасылық автокөлікке жеңілдетілген несие берілуі мүмкін

1283

Индустрия және инфрақұрылымдық даму министрлігі жеңілдетілген автонесиелеу бағдарламасын қайта іске қосудың бірнеше нұсқасын қарастырып жатыр, деп хабарлайды «Адырна» тілшісі.

Министрліктің баспасөз қызметі мәлімдегендей, қазір бағдарламаны қайта іске қосудың бірнеше нұсқасы талқылануда.

Нұсқалардың бірі көп балалы отбасыларды, құқық қорғау органдары қызметкерлерін, дәрігерлер мен мұғалімдерді қолдаудың кіші бағдарламасын қосымша енгізу ұсынылуымен ерекшеленеді.

Сондай-ақ, «Бірінші отбасылық автокөлік» қосалқы бағдарламасын қосу мүмкіндігі қарастырылып жатыр.

Айта кетейік, жеңілдетілген автонесиелеу бағдарламасы 2015 жылы іске қосылды. Қаржыландырудың жалпы лимиті 82 млрд теңгені құрайды.

Бағдарлама іске асырылған сәттен бастап револьверлік-қайтарымды қаражатты ескере отырып, 159 млрд теңгеге 30 525 қарыз берілді. Қазірдің өзінде 80 мыңға жуық адам отандық автокөліктерді сатып алды.

«Адырна» ұлттық порталы

Пікірлер
Редакция таңдауы
Серіктестер/Партнеры
Студия IMA - создание сайтов Доставка цветов Астана - Lova Buket