Алматыда тәртіпсіздіктер кезінде 4 баланың анасы оқ тиіп, көз жұмған

3087

Алматыда тәртіпсіздіктер кезінде көлікте бала емізіп отырған әйелдің басына оқ тиіп көз жұмған, деп хабарлайды "Адырна" ұлттық порталы "Stan.kz"-ке сілтеме жасап. 

Бұл туралы журналист Гүлмира Әбіқай мәлімдеді. Оның айтуынша, 5 қаңтарда отбасы ауырып тұрған балаларына дәрі іздеп, көлікпен шыққан.

"Бүркітбаевтар бір-ақ күнде қара жамылды. 5 қаңтарда қызуы көтеріліп мазасызданған 7 айлық Нұрымға дәрі алуға шыққан отбасы анадан айырылды. 35 жастағы Жанар кішкентайын емізген күйі басына оқ тиіп мерт болды. Азан-қазан жылаған бала, қанға бөккен бөпе, есеңгіреген отағасы. Сол күйі қаладағы қайын әпкесіне барады. Олар түсінбей, абдырап, бірінші кезекте жедел жәрдем шақырған, бірақ келмеді. Жарын өздігінен 4-ші ауруханаға апарғанда, "оқ басын тесіп ми ішінде қалды, азаматша сол мезетте-ақ жүріп кеткенін" айтқан", – деп жазды журналист.

Марқұмның жарының сөзінше, көлікке оқ тиген кезде ер азамат көлікті айдап келе жатқан.

"Назарбаев көшесімен төмен түсіп келе жатқанбыз. Оқ дауысы естілмеді. Оқ тиген кезде келіншегімнің қолында балам болған. Бір кезде түтін шыға бастады. Артыма қарасам, әйелім қисайып жатып қалыпты. Оқтан қашып, тағы 50 метр төмен түстім. Көлікті тоқтатып, әйелімнің жарақатын қарасам, басына оқ тиіпті", – дейді Сұлтан есімді ер азамат.

Ер азамат оқиғаға байланысты іс жүргізіледі ме деп көліктегі қанды жумағанын айтады.

"Көлікті ашсам, басы езіліп кеткен. Жанында үш баласы еңіреп отыр. Снайперлік оқ емес, автоматтың оғы екен деп ойладық. Баланың киімі қан-қан. Бірнәрсе болды ма деп шешіндірейін десем, әшнәрсе көрінбейді. Жедел жәрдем шақыртып едік, келмеді", – дейді марқұмның туысы.

Гүлмира Әбіқай әйелдің артында төрт баласы қалғанын жазады. Отбасы "времянка" жалдап тұрады екен. Қазіргі таңда журналист отанасынан айырылған жанұяға материалдық  көмек ретінде қаражат жинаудың басталғанын жазады.

"Alshy" қайырымдылық қорының реквизиттері:

Жеке тұлғалар үшін:
Kaspi Gold: 5169 4971 5129 8662
Kaspi номер: 8778 376 94 66
Kaspi терминал, ИИН: 911 127 402 620
Жанар Е.

Halyk Bank:
5354 5100 2842 4942
8778 376 94 66
Жанар Е.

Заңды тұлғалар үшін:
Компания: ОФ «Alshy»
ИИН/БИН: 211140009151
ИИК: KZ70601A861001853571
КБЕ: 18
Банк: АО «Народный Банк Казахстана»
БИК: HSBKKZKX

 

"Адырна" ұлттық порталы.

 

 

 

Пікірлер
Редакция таңдауы
Серіктестер/Партнеры
Студия IMA - создание сайтов Доставка цветов Астана - Lova Buket