Бүгін Шымкент қаласындағы №28 «ГауҺар» арнаулы (коррекциялық) балабақшасының базасында Ел Тәуелсіздігінің 30 жылдығы аясында «Тәуелсіздік - мәңгілік ел тұғыры» тақырыбында қалалық семинар өтті.
Әдістемелік орталықтың ұйымдастыруымен өткен семинардың негізгі мақсаты мектепке дейінгі ұйымдардағы балаларға патриоттық сезімді қалыптастыру, ұлттық құндылықтарды жаңғырту және инклюзивті білім беру жүйесінде педагогикалық тұрғыдан қолдау көрсетуді жүзеге асыру.
Семинарға «Nur-Otan» партиясы Шымкент қалалық филиалы «Саяси жұмыстар» бөлімінің меңгерушісі Е.Байқонысов пен жалпы орта білім беру мектептерінің арнайы мамандары қатысты.
Жиын барысында сөз алған Шымкент қаласы әдістемелік орталығы директоры, ф.ғ.к. М.Медетбекова инклюзивті білім беруді дамытудың тұжырымдамалық тәсілдерінің стратегиялық бағыттарын іске асыруда әдістемелік қолдау мәселесіне тоқталды.
Қалалық семинарға қатысушылар инклюзивтік білім берудің жаңартылған мазмұнын МЖБС талаптарына сәйкес жүзеге асырудың ерекшеліктері, яғни инклюзивтік білім беру жағдайында ерекше білім беруде қажеттіліктерінің сақталу тәртібі аясында кездесетін сұрақтарға жауап алды.
Шымкент қаласының Ақпараттық-коммуникациялық орталығы
