Сәуле шағынауданы талшықты оптика желісімен қамтылады

65

Биыл Әл-Фараби ауданына қарасты 9000-нан астам халқы бар Сәуле шағынауданын оптикалық желі арқылы сапалы интернетпен қамту жұмыстары жоспарланып, басқарма тарапынан жеке инвесторлар тартылған болатын.

Қалалық цифрландыру басқармасының мәліметінше, бүгінгі таңда, «СпецавтоматикаСервис» жауапкершілігі шектеулі серіктестігі тарапынан Сәуле шағынауданына оптика желісі толық жүргізіліп, 2500-ге жуық үйге талшықты оптика желісі жалпы саны 200 км қамтитын абоненттік кабель тартылды. Нәтижесінде, Сәуле шағынауданындағы 9000 нан астам қала тұрғындарын сапалы интернетпен қамтуға толық мүмкіндік жасалынуда.

Бүгінгі күні компания тарапынан тұрғындардан интернетке қосылуға өтінімдер қабылдануда. Тұрғындар тарапынан кеңжолақты интернет желісіне қосылуға нақты өтінімдер берілген жағдайда, «СпецавтоматикаСервис» компаниясы шағынауданды толығымен талшықты оптика желісімен (200 Мбит/сек жылдамдығына дейін) қамтамасыз ететін болады.

Пікірлер
Редакция таңдауы
Серіктестер/Партнеры
Студия IMA - создание сайтов Доставка цветов Астана - Lova Buket