ҚР Тәуелсіздігінің 30 жылдығы аясында Абай ауданы аумағындағы шағынаудандарда жаңа көшелер ел игілігіне пайдалануға берілді. Атап айтқанда Қызылжар шағын ауданындағы Дәстүр, Ақтансай, Яссауи және №10 көше тұрғындары қуанышқа кенелді.
Мерекелік іс-шараға Абай ауданы әкімінің орынбасары Занкоев Есімжан қатысып, тұрғындарды 1 желтоқсан – Қазақстан Республикасы Тұңғыш Президенті күнімен құттықтады.
Ағымдағы жылы көшемізге асфальт төселіп, тұрғындардың көтерген мәселелері шешілгеніне қуаныштымыз, деді көше тұрғындары.
Айта кетейік, Абай ауданында жыл соңына дейін тағы осындай 7 көше пайдалануға берілетін болады.
“Адырна” ұлттық порталы
