Бүгінде Шымкент қаласындағы «Мұз сарайында» мәнерлеп сырғанаудан жастар және жасөспірімдер арасында ҚР чемпионаты өтуде.
19 қазанда басталған ел чемпионатына мегаполистер Нұр-Сұлтан, Алматы, Шымкенттен және Атырау, Қостанай, Қарағанды, ШҚО, Қызылорда облыстарынан 150-ден астам спортшы бақ сынауда. Оның ішінде Шымкенттен 23 мәнерлеп сырғанаушы бар.
Байрақты бәсекеде алғашқы жеңімпаздар да анықталды. 1 жасөспірімдер разряды бойынша Цой Клим мен Зябрев Егор алтыннан алқа тақса, осы разряд бойынша Алексеевна Ангелина қола жүлдегер атанды.
Республикалық жарыс «Мұз сарайында» 23 қазанға дейін жалғаспақ.
Шымкент қаласының Ақпараттық-коммуникациялық орталығы
