Түркістан облысында жалған кір жуғыш ұнтақ шығаратын цех жойылды, деп хабарлайды "Адырна" ұлттық порталы.
Жедел-іздестіру іс-шаралары барысында Түркістан қаласының тұрғыны Р.Абдуллаевтың белгілі маркалы ұнтақтарды заңсыз шығарған цех ұйымдастырғаны анықталды, деп хабарлады Қаржы мониторингі агенттігінің баспасөз қызметі.
Барлығы жеті бірлік ұнтақтарды орау және буып-түюге арналған құрал-жабдықтар, 500-ден астам қаптама ұнтақ, 100-ден астам қапта 20 келі бос ұнтақ, белгілі брендтердің атауы бар полиэтилен пакеттері тәркіленді.
Авторлық құқық иесі үлкен шығынға ұшырады.
Ер адамға 5,9 миллион теңге айыппұл салынды.
"Адырна" ұлттық порталы
