Алматыда Гарвард университетінің студенті Ақназар Қажымұраттың мәйіті табылды, деп хабарлайды “Адырна” ұлттық порталы полиция департаментіне сілтеме жасап.
2018 жылы Алматыдағы физика-математика бағытындағы Назарбаев Зияткерлік мектебінің түлегі жас кемеңгер Гарвард университетіне оқуға түсті.
Студент Алматыда академиялық демалыста болғаны айтылады.
Алматы полиция департаменті іздеу шаралары аясында жедел-іздестіру тобының құрылғанын хабарлады.
“Бүгін ҰБ криминалдық полиция басқармасының қызметкерлері Бостандық ауданы аумағынан жас жігіттің денесін тапты. Зорлық-зомбылық белгілері табылмады. Медициналық сараптама тағайындалды. Мән-жай анықталуда”,-деді полиция.
Естеріңізге сала кетсек, Алматыда 3 қараша күні із-түссіз жоғалып кеткен 20 жастағы азаматтың мәйіті табылды. Ол Алматы қаласында кездесуге кеткені белгілі болды. Соңғы рет телефонмен сағат кешкі 20:27 арасында әжесімен сөйлескен.
“Адырна” ұлттық порталы