Өзін уақытша мемлекет басшысы деп жариялап, азаматтарды қарсылық көрсетуге шақырған Ауғанстан вице -президенті Амрулла Салехтің күштері Парван аймағын Талибаннан (Ресейде тыйым салынған ұйым) қайтарып алды. Бұл туралы Кабулдегі есімін жасырын ұстаған шенеуніктер хабарлады.
Қазіргі уақытта Салехтің күштері Панджшерде Талибанмен соғысып жатыр. Дереккөздердің хабарлауынша маршал Дустумның бас сауғалап кеткен 10 мың жасағы да аталмыш аймаққа аттанып, тәлібтерге қарсы соғысты жалғастыруға кіріскен.
Панджшер маңында Ахмад Шах Масудтың ұлы әкесінің жолын жалғастырып, Талибанмен соғысатынын ресми түрде мәлімдеген болатын.
"Адырна" ұлттық порталы
