Бүгін — ақын, Қазақстанның Мемлекеттік сыйлығының лауреаты Тыныштықбек Әбдікәкімұлының туған күні. Қайраткер мерейлі 70 жасқа толып отыр.
Ол 1953 жылы 20 шілдеде Шығыс Қазақстан облысының Абай ауданында туған. «Ақшам хаттары», «Ырауан», «Алқоңыр дүние», «Бесінші маусым жұпары» атты жыр жинақтарының авторы. Өлеңдері испан, қытай, қырғыз тілдеріне аударылған.
Тыныштықбек Әбдікәкімұлы – Ә.Кекілбайұлы, Т.Әбдік, М.Мағауин, Ф.Оңғарсынова, Т.Медетбек, Н.Оразалин бастатқан қазақ әдебиетінің классиктері тарапынан «Қазақ әдебиетіне өзгеше мәнермен ерекше сипат ала келген тағдырлы құбылыс» ретінде бағаланған.
