12 жастағы бала төбелес кезінде көз жұмды

2180

Теміртауда 12 жастағы бала көшедегі төбелес кезінде көз жұмған деп хабарлайды "Адырна" ұлттық порталы "Tengrinews.kz-ке" сілтеме жасап.

Ол төбелесіп жатқан достарын ажыратпақ болған, сол сәтте бір бала оның басынан ұрған, оқиға болған жерде ол есінен танып қалған. Желіде аталған төбелестің видеосы жарияланды.

«Вега ауданында төбелес салдарынан бала қайтыс болды. Ол төбелеспеген, тек ажыратқысы келген. Тобымыз баланың жақындары мен туыстарына көңіл айтады», - делінген видеожазба хабарламасында.

Полиция қызметінің айтуынша, 24 шілдеде Старогород полиция бөлімшесінің кезекші бөліміне Теміртау қалалық балалар ауруханасында қаланың 12 жастағы тұрғыны қайтыс болғаны туралы хабарлама түскен. Жәбірленуші аулада 13 жастағы баламен жанжалдасқан. Төбелеске ұласқан жанжал кезінде оның басына соққы жасалған.

«Дерек ҚР Қылмыстық кодексінің 104-бабы («Абайсызда қазаға ұшырату») бойынша тіркелді. Тиісті сараптамалар тағайындалды, сот-тергеу амалдары жүріп жатыр», - деді Қарағанды облысы Тергеу басқармасының бастығы Рустам Күлкеев.

"Адырна" ұлттық порталы.

Пікірлер
Редакция таңдауы