Алексей Цой: Тамыздан бастап індет жұқтырғандар саны артады

2592

ҚР Денсаулық сақтау министрі Алексей Цой Facebook желісіндегі парақшасында Қазақстандағы эпидемиологиялық жағдайдың жаңа болжамын айтты, деп хабарлайды «Адырна» ұлттық порталы.

«Эпидемиологиялық жағдайды (КВИ «Дельта» штаммының белсенді таралуын) және вакциналаумен қамтуды ескере отырып, министрлік эпидемиологиялық жағдайдың болжамын жаңартты. Осылайша, пессимистік сценарийде 2021 жылдың шілде-қыркүйек айларында тіркелген жағдайлар саны шамамен 400 мың адам (орташа есеппен тамыз айында 6 мың жағдайдан жоғары) болмақ. Екінші реалистік сценарий бойынша, 2021 жылғы шілде-қыркүйекте тіркелген жағдайлар болжамды саны шамамен 355 мың адам (орташа есеппен тәулігіне тамыз айында 5,3 мың жағдайдан жоғары) болмақ. Ал оптимистік сценарий бойынша, 2021 жылдың шілде-қыркүйек айларында тіркелген жағдайлар саны шамамен 330 мың адам (орташа есеппен тамыз айында ең жоғары жағдай – тәулігіне 5 мыңға жуық) болуы мүмкін», – деп жазды министр.

"Адырна" ұлттық порталы

Пікірлер
Редакция таңдауы