6 жасар қыз электр тоғынан көз жұмды

685

Әлия Наубетованың 6 жасар қызы Айя бірнеше апта бұрын аулада ойнап жүріп қайтыс болды. Оқиғаға байланысты тергеу ісі үш айға созылған. Қыздың анасы тергеу ісіне наразылығын білдірді, деп хабарлайды «Адырна» ұлттық порталы Stan.kz-ке сілтеме жасап.

Анасы бірінші тергеуші қыздың анасын хабардар етпестен бұрын істі әріптесіне бере салғанын айтты. Ал басқа полиция қызметкері үшінші ай бойы сараптама жүргізіп келіпті. Алайда нақты ештеңе айтпаған.

Әлия Наубетованың қызы ағасының көзінше көз жұмған. Сол күні әйел балаларын ертіп алып, тәтесінің үйіне қонаққа барады. Әдетте оның қызы үйдің ауласында ғана ойнап жүрген. Бірақ сол күні ол ағасымен бірге ауладан шығып, көршілерінің үйінің жанындағы әткеншекке барып ойнаған.

«Ұлым алғашында оның мерт болғанын білмеді. Көрші үйдің жанындағы көшеде бірге ойнап жүрген. Айя құлағаннан кейін оны қолына алып, үйге апарып төсекке жатқызғанын айтты. Содан кейін үлкендерге қарындасының құлап, ұйықтап жатқанын жеткізген. Ол оны соңғы рет тірі көргенін де түсінбеді», — дейді қыздың анасы.

Әйел көрші үйге баратын газ құбыры көптеген жылдар бойы болғанын және ешқашан ешкімді электр тоғымен ұрмағанын айтады.

«Үйдің бұрынғы иелерінің балалары жиі ойнап жүретін. Тіпті балаларға арналған әткеншектер ілді», – дейді әйел.

Орал полиция департаментінде қайтыс болу фактісі бойынша тергеу жүріп жатқанын айтты. Бұған дейін Қазақстан Республикасы Қылмыстық кодексінің 306-бабының үшінші бөлігі «абайсызда адам өліміне әкеп соққан, қауіпсіздік талаптарына сай келмейтін тауарлар шығару немесе сату, жұмыстар орындау не қызметтер көрсету» бойынша іс қозғалып, сотқа дейінгі тергеу басталды. Кінәлі адамға сегіз жылға дейін бас бостандығынан айыру қаупі төніп тұр.

Полиция сот-медициналық сараптама жүргізілгенін, ол қыздың электр тоғының әсерінен қайтыс болғанын анықтағандарын хабарлады. Тергеушілер тағы бірнеше техникалық сараптамалардың нәтижелерін күтуде.

"Адырна" ұлттық порталы

Пікірлер
Редакция таңдауы