Жаркент қаласының әкімі Болат Омаров белсенділерді қолдауға шыққан жүргізушілерге дөрекі жауап бергені үшін жауапкершілікке тартылды, деп хабарлайды «Адырна» ұлттық порталы.
«ҚР Мемлекеттік қызмет істері агенттігінің Алматы облысы бойынша департаменті әлеуметтік желілерге жүргізілген мониторинг барысында әкімге қатысты «Провокатор сияқты сөйлейді» және «Ашуын жасырмайды және арсыз сөздерді қолданып сөйлейді» деген секілді жазбаларды анықтады», - деді ҚР Мемлекеттік қызмет істері агенттігінің баспасөз хатшысы Ерхан Тәткен телефон арқылы.
Осы деректер бойынша департамент Алматы облысы әкімінің аппаратына тиісті шаралар қабылдау үшін хат жолдады.
Алматы облысы әкімінің әдеп жөніндегі уәкілінің 2021 жылғы 5 мамырдағы жауабы бойынша Панфилов ауданы әкімінің 2021 жылғы 28 сәуірдегі өкімімен Омаров Б.Ш. тәртіптік жауапкершілікке тартылды.
"Адырна" ұлттық порталы
(Фото: azattyq-ruhy)
