Бұл туралы ол өзінің фейсбук https://www.facebook.com/m.dosmukhambetov.online/posts/293612302237567 және инстаграм парақшасында жазды.
Аймақ басшысы Атырау қаласындағы «Геолог емханасына» барып, Қарағанды фармацевтика зауытында шығарылған "Спутник-V" вакцинасын салдыртқан.
«Құрметті жерлестер! Вакцина алу арқылы ғана ұжымдық иммунитет қалыптасып, қауіпті індеттен толық құтылатынымызды түсінгендеріңіз маңызды. Қазір өңіріміз қызыл аймақта тұр. Сақтық талаптарын сақтай отырып, сіздерді де вакцина алуға шақырамын. Жақындарымыз бен айналамыздағыларды қорғау үшін, өздеріңіздің қорғануларыңыз үшін де — коронавирусқа қарсы вакцина алу өте маңызды»,-деген Махамбет Досмұхамбетов.
Сондай-ақ, қауіпті індетпен күресіп әрі вакцинациялау жұмыстарын қарқынды жүргізіп жатқан медицина қызметкерлерінің барлығына алғысын білдірген.
