Түркияның танымал кино әртісі Луран Ахмети 46 жасында коронавирустан көз жұмды. Луран сериалдарға түсу арқылы танымал болған еді. Ол "Көкжалдар мекені", "Лимонад", "Қош бол, Румели", "Сүлеймен сұлтан" сериалдарында ойнаған.
Луран голливудтың әйгілі әртісі Лиам Нисонмен бірге "Тұтқын 2" фильмінде де ойнап шыққан болатын.
Түркияда коронавирус індетінің беті қайтар емес. Қазіргі таңда 3.2 млн адам вирус жұқтырып, 32 мыңнан астам адам індет салдарынан көз жұмды. Күн сайын 28-30 мың адам вирус жұқтыруда. Түркия Қытай, Ресей және отандық вакциналарды қолданып жатыр.
Асхат ҚАСЕНҒАЛИ,
"Адырна" ұлттық порталы
