Аралас жекпе-жек шебері Қуат Хамитов партия құратынын мәлімдеді. Ол бұл туралы Instagram желісіндегі ресми парақшасында жазды, деп хабарлайды «Адырна» тілшісі.
«Мен өз партиямды құратынымды ресми түрде жариялаймын! Негізі мұны істегім келмеді, бірақ менің мемлекетім бұл процесті тездетті. Партия бәріне кім кінәлі, кім не істеп жатыр деген дүниелерді айту үшін емес, халықтың дауысын есту үшін құрылады. Біздің мемлекетіміздің басты мәселесі – халықтың пікірімен санаспау және оны ескермеу. Партияның ашылуына ешқандай кедергі болмайды деп үміттенемін, өйткені біз еркін елде өмір сүреміз. Менің есігім бәріне ашық! Барлығыңыз партияға мүше бола аласыздар»,-деді ол.
«Адырна» ұлттық порталы
