Профилактикалық медицина Академиясының президенті Алмаз Шарман Қазақстандағы ковидтің ендігі жағдайы туралы айтты деп хабарлайды «Адырна» ұлттық порталы ақпарат көзіне сілтеме жасап.
А.Шарман медициналық метрика және бағалау бойынша Вашингтонның университеті ақпараттарына сүйеніп, Қазақстанда ковидтің өршу мерзімі 2 наурызда болатынын айтады. Бағымызға қарай, 2 наурыз күні басталатын індеттің өршу деңгейі былтырғы жаз айындағы жағдайдан 45 пайызға төмен болады екен.
Ад жәл қазір Қазақстанда коронавирустың екінші толқыны басталды. Бұл туралы Денсаулық сақтау вице-министрі, бас мемлекеттік санитар дәрігер Ерлан Қиясов мәлімдеді.
«Біз екінші толқын екенін түсініп отырмыз...дегенмен, біз оны бірінші, екінші толқынға бөлмейміз. Іс жүзінде науқастар санының өсуі байқалады.
Біз жағдайдың дамуын пессимистік емес, нақты деп айта аламыз. Мұнда өсуді байқап, біз екінші толқынның даму сатысында тұрмыз деуге болады. Себебі аурудың таралып, көбеюі толқын тәрізді», - деді Қиясов.
Оның айтуынша, әзірше "қызыл" аймақта екі облыс бар, қалғандары "сары" аймақта.
