Елбасы «Алғыс» орденімен марапатталды

874

Қазақстан Православ шіркеуінің басшысы, Астана және Қазақстан митрополиті Александр Қазақстанның Тұңғыш Президентіне «Алғыс» орденін табыс етті, деп хабарлайды «Адырна» тілшісі Тұңғыш Президенттің ресми сайтына сілтеме жасап.

Сондай-ақ, ол Нұрсұлтан Назарбаевтың еліміздегі дінаралық келісімді нығайтуға қосқан үлесін атап өтті.

«Сіз Қазақстанның өркендеуі жолында көп шаруа атқардыңыз. Ең бастысы – дінаралық татулық пен ұлтаралық келісім. Бұл – халыққа жайлы, берекелі және жақсы өмір сүруге, мемлекеттің дамуына мүмкіндік беретін қос тірегіміз. Қалың көпшіліктің атынан Сізге зор алғыс айтуға рұқсат етіңіз. Сіз бар ғұмырыңызды туған жерге қызмет етуге арнадыңыз»,-деді Астана және Қазақстан митрополиті.

«Адырна» ұлттық порталы

Пікірлер
Редакция таңдауы