Жас жігіт селфи жасаймын деп Есiл өзеніне құлап кетті, деп хабарлайды «Адырна» ұлттық порталы Нұр-Сұлтан қаласының полиция департаментіне сілтеме жасап.
«Нұр-Сұлтан қаласы Полиция департаментіне Атырау көпiрiнен ер адамның құлап кеткендiгi туралы хабарлама келіп түсті. Полиция қызметкерлері оқиға орнына келгеннен кейін 22 жасар жiгiттiң селфи жасаймын деп абайсызда Есiл өзеніне құлап кеткенiн анықтады»,-деп жазды баспасөз қызметі.
Қызметкерлердің айтуынша, жас жігіт жарақат алған жоқ. Ол жағаға өзі жүзiп шыққан.
«Адырна» ұлттық порталы
