Бүгін мемлекет және қоғам қайраткері, ғалым, публицист, ұстаз, Сұлтанбек Қожанұлы Қожановтың дүниеге келген күні.
1894 жылы 10 қыркүйекте қазіргі Түркістан облысы Созақ ауданына қарасты Ақсүмбе ауылыда туған. 1910 жылы Түркістандағы 4 сыныптық орыс түзем бастауыш мектебін, 1913 жылы 3 сыныптық қалалық мектепті, Ташкент мұғалімдер семинариясын тәмамдаған. 1927 жылы Мәскеуде БК (б) П ОК Марксизм-ленинизм курсын бітірген.
Күллі өмірін қазақ ұлтының болашағы мен гүлденіп-көркеюі үшін жұмсаған ұлы тұлға 1937 жылы 16 шілдеде Ташкентте тұтқындалып, 1938 жылы саяси қуғын-сүргін құрбаны болды.
1957 жылы ақталды. Алматы, Шымкент қалаларындағы көшелерге Қожанов есімі берілген. Түркістанда ескерткіш қойылған.
Ұларбек Дәлейұлы
