Шорнақтағы тәртіпсіздікке қатысты 4 арандатушы ұсталды

1322

Түркістан облысы әкімінің орынбасары Сәкен Қалқаманов Шорнақта заңсыз әрекетке шақырған төрт азаматтың ұсталғанын мәлімдеді, деп хабарлайды «Адырна» тілшісі.

«Кеше Өмірзақ Шөкеев Шорнак тұрғындарына уәде еткендей, полиция әлеуметтік желілерде және мессенджерлерде заңсыз әрекеттерге шақырған 6 арандатушының 4-ін тапты. Қалғандарын анықтау және іздеу жалғасуда,» - деп жазды Сәкен Қалқаманов Facebook парақшасында.

Естеріңізге сала кетейік, 21 шілдеге қараған түні Түркістан облысы Шорнақ ауылында жергілікті тұрғындар арасында жанжал туып, таспен ұрумен жалғасқан. Оқиға орнына учаскелік полиция қызметкері келіп жанжалды тоқтатқан. Қақтығыстың салдарынан үш оқиғаға қатысушысы мен полиция қызметкері дене жарақатын алды.

Пікірлер
Редакция таңдауы