Түркияның аңыз қақпашысы коронавирустан жазылды

1685
Torwart Rüstü Recber Türkei gibt Anweisungen
Torwart Rüstü Recber Türkei gibt Anweisungen

Түркия ұлттық құрамасының бұрынғы қақпашысы Рюшту Речбер COVID-19-дан емделді. Бұл туралы футболшының әйелі Ишил Речбер өзінің Инстаграмдағы парақшасында мәлімдеді деп хабарлайды "Адырна".

Қақпашы наурыздың аяғында ауруханаға түсті. Ол ауруханаға түскенде жағдайы ауыр еді, бірақ біраз уақыттан кейін беті бері қарай бастаған.  46 жастағы Речбер ауруханада 11 күн болды.

Речбердің әйелі дәрігерлерге және қиын уақытта отбасын қолдаған барлық адамдарға алғыс білдірді. Ол сонымен қатар Денсаулық сақтау министрлігі қолданатын емдеу хаттамалары барлық ауруханаларда бірдей және аурудың күрделену деңгейіне байланысты екенін айтты.

«Әр түрлі дәрі-дәрмектер немесе емдеу түрлері барлық жерде бірдей. Біз барлық жаман әдеттерден арылуымыз керек », - деді Ишил.

Футбол әлемінде ондаған адам коронавируспен ауырды, оның ішінде Лондондық «Арсеналдың» испаниялық бас жаттықтырушысы Микель Артета, Түркия ұлттық құрамасының бұрынғы жаттықтырушысы Фатих Терим және Миланның техникалық директоры Паоло Мальдини болса, «Реал Мадридтің» бұрынғы президенті Лоренцо Санс инфекциядан қайтыс болды.

Бүкіл әлемде спорттық іс-шаралар уақытша тоқтатылады. FIFA ірі халықаралық турнирлерді кейінге қалдыру туралы шешім қабылдады. Олимпиада ойындары - 2021-ші жылға шегерілді.

Пікірлер
Редакция таңдауы