Алматы әкімдігі қаладағы инфекция көп тараған аудандар туралы ақпарат берді, деп хабарлайды adyrna.kz.
"20 наурыздағы жағдай бойынша Алматыда коронавирустық инфекцияны жұқтырған 22 жағдай тіркелді. Барлығы зертханалық түрде расталды. Алматы қаласы аумағындағы эпидемиологиялық тексеру нәтижелері бойынша COVID-2019-дың 10 ошағы анықталды", делінген хабарламада.
Сонымен қатар, инфекцияның таралу қаупі жоғары аудандар тізімі аталды:
– Алмалы ауданы – 3;
– Медеу – 3;
– Түрксіб – 2;
– Жетісу – 1;
– Алатау – 1.
Барлық ошақта індеттің одан әрі таралуының алдын алу мақсатында эпидемияға қарсы және профилактикалық іс-шаралар күшейтілді. Медицина қызметкерлері ошақ аймағында орналасқан барлық тұлғалардың жағдайына мониторинг жүргізуде", дейді.
