Сот: Болат Бақауовтың денсаулығы нашарлады

2520

Павлодар облыстық сотының баспасөз қызметіндегілер экс-әкімнің денсаулығы нашарлауына байланысты үй қамағына ауыстырылғанын хабарлады.

"Павлодар облысының бұрынғы әкімі Болат Бақауовтың денсаулығы нашарлады, сондықтан алдын-алу шараларын жұмсарту туралы шешім қабылданды" деді "Адырна" порталына облыстық соттың баспасөз қызметі.

«ҚР ҚІЖК-нің 153-бабының талабына сәйкес, бұлтартпау шарасы жағдайдың өзгеруіне байланысты үй қамауына ауыстырылды, дәлірек айтсақ, оның денсаулығы нашарлады » делінген облыстық соттың ақпаратында.

СотБақауовқа сотқа дейінгі тергеу аясында шақыру жағдайларын қоспағанда, үйінен шығуға, телефон арқылы сөйлесуге, хат алмасуға және байланыс құралдарын пайдалануға тыйым салды.

Сондай-ақ оған үйде қамауда отырғанда жақын туыстары мен күдіктінің қорғаушыларын қоспағанда, достарымен сөйлесуге, қонақтарды қабылдауға тыйым салынады.

"Адырна" ұлттық порталы

Пікірлер
Редакция таңдауы