Рудныйда кәріз құдығынан күйіп қалған ер адамның денесі табылды, деп хабарлайды "Адырна" ұлттық порталы.
Марқұмның кім екені әлі анықталмай жатыр.
Бұл туралы Қостанай облыстық полиция департаменті баспасөз қызметі мәлімдеді.
Мәйіт Рудныйдағы кәріз құдығынан табылған. Бұл кәріз құдығында қоқыс жанғаны белгілі болған. Сол үшін полицейлер тиісті жұмыстарды жүргізіп жатыр.
"Тәртіп сақшылары мәйіттің табылуы фактісі бойынша сотқа дейінгі тергеу амалдарын бастады. Сот-медициналық сараптамалар тағайындалып, қажетті шаралар жүргізілуде. Барлық мән-жай анықталып жатыр", – делінген ақпаратта.
