Жақында ғана 1,5 жылға бас бостандығынан айырылған мәжіліс депутаты Дәулет Тұрлыхановтың ұлы Нұрасыл Болат сот үкіміне қатысты шағымданбақшы. Бұл туралы заңгер Анна Чернова айтты, деп хабарлайды «Адырна» тілшісі.
«Депутат Тұрлыхановтың ұлы Нұрасыл Болаттың адвокаттары апелляциялық шағым түсірді. Біз күтеміз»,—деп жазды ол.
Алматы қалалық соты іс материалдары процессуалдық мерзімге байланысты апелляциялық сот алқасына әлі жіберілмегенін мәлімдеді.
21 қазанда Алматы соты Нұрасыл Болатты 17 айға қауіпсіздігі орта колонияға жіберуге шешім қабылдаған болатын. Сот барысында ер адамның 12 қазанда таңғы сағат 4-те караокеге барғаны анықталды.
