Бүгін, 4 қарашада Хасан Қасымбаевтың анасы Гүлнар Нұракенова ұлының ұсталуына қатысты мәлімдеме жасап, президент Қасым-Жомарт Тоқаевтан араша сұрады, деп хабарлайды «Адырна» тілшісі.
«Менің баламның ісін әділетті түрде шешіп беріп, өз назарыңызға алуыңызды сұраймын. Баламды жазықсыздан-жазықсыз қаралап отыр. Оның ешқандай кінәсі жоқ. Кінәсін дәлелдеп берсін. Департаментке де сол үшін келіп отырмын. Жауабын сол кісілерден күтемін»,—деді ол.
Айта кетейік, бүгін Алматы облысының полициясы Хасан Қасымбаевты қамауға алған болатын. Ол Қылмыстық кодекстің 106-бабының 1-бөлігі (Денсаулыққа қасақана ауыр зиян келтіру) және 125-бабының 2-бөлігі (Адамды алдын ала сөз байласу арқылы топпен ұрлау) бойынша тергеліп жатыр.
