Бүгін Қазақстанда құтқарушылар күні атап өтіледі, деп хабарлайды «Адырна» ұлттық порталы.
Елімізде құтқарушылар күні ресми түрде 2008 жылдан бастап тойланады. Бұл күннің таңдалу себебі, осыдан тура 29 жыл бұрын Төтенше жағдайлар жөніндегі мемлекеттік комитет құрылды. Агенттіктің қызметі төтенше жағдайлардың алдын алуға, сондай-ақ олардың зардаптарын жоюға бағытталған.
Мереке еліміздің азаматтық қорғаныс, өрт сөндіру және суда құтқару қызметтерінің қызметкерлеріне арналған. Олардың әрқайсысының жұмысы жоғары кәсіпқойлықты, жауапкершілік пен адалдықты талап етеді. Адам өмірін құтқару – құрмет пен алғысқа лайық қауіпті, бірақ асыл ерлік.
