Қазақстан Орталық Азияның өнеркәсіптік дамыған аймақтарының бірі ретінде экологиялық тұрақтылық пен жасыл технологияларды пайдалануды жақтайды.
Дегенмен, республикада энергия тұтынуды арттыру мәселесі бар. «Petrocouncil.kz» мұнай-газ саласындағы стратегиялық серіктестікті дамыту кеңесінің мәліметі бойынша, бұл сала электр энергиясын тұтыну аналитикасының 58%-ға жуығын алады. Ең үлкен тұтыну көрсеткіштерін тау-кен металлургия кешенінің кәсіпорындары көрсетіп отыр.
Энергетикалық тұрақтылықты енгізу мақсатында Өнеркәсіп және құрылыс министрлігі бірқатар шараларды қолданады. Қазірдің өзінде отандық кәсіпорындар энергия тиімділігіне қол жеткізуде жақсарған көрсеткіштерді көрсетуде.
Бірінші мысал – «Казцинк». Бұл мыс, бағалы металдар және қорғасынды бірлесіп өндірудің үлкен үлесі бар ірі интеграцияланған мырыш өндірушісі. Компанияның кәсіпорындары Шығыс Қазақстан, Ақмола және Ұлытау облыстарында орналасқан.
Жұмсақ іске қосу құрылғысы мен контроллерді енгізу және түтін шығарғыштың жұмысын синхрондау арқылы «ҚазЦинк» тазартылған қорғасын өндірісі үшін үлестік энергия шығынын 16,8%-ға төмендетті. Осылайша, жалпы үнемделген қаражат шамамен 528 миллион теңгені құрайды.
Келесі кезекте Қазақстандағы ірі құм-әк кірпіш өндірушілердің бірі «Силикат» ЖШС.
Кәсіпорын электр қозғалтқыштарына жиілік түрлендіргіштерін орнатып, электр қозғалтқыштарын ауыстырды. Бұл кірпіш өндіруге арналған меншікті энергия шығынын 34%-ға азайтты. Нәтижесінде жалпы үнемделген қаражат 16 млн теңгеден асады.
Үшінші кейс «Соколов-Сарыбай тау-кен байыту өндірістік бірлестігіне» қатысты. Темір рудасын өндіру және өңдеу бойынша ең ірі қазақстандық кәсіпорын «Eurasian Resources Group» құрамына кіреді.
«ССТБӨБ» АҚ ЭСКО механизмі арқылы жарықтандыру жүйесін жаңартты. Кәсіпорын 900 млн теңгеден астам инвестиция құйған, өзін-өзі қайтару мерзімі 3 жылға жуық. Осылайша, жалпы үнемделген қаражат 275 млн теңгеден асады
ҚР Өнеркәсіп және құрылыс
министрлігінің баспасөз қызметі
