Батыс Қазақстан облысында автобус өртенді, Бұл туралы ТЖМ баспасөз қызметі мәлімдеді, деп хабарлайды “Адырна” ұлттық порталы.
Мәлімет бойынша, бүгін Оралда Григорий Потанин көшесі бойында автобус өртенген. Жоғары температуралық әсерден жақын тұрған жеңіл автомобиль зақымданған.
«Өрт жедел түрде сөндірілді. Өрттің салдарынан 1977 жылы туған жүргізуші жеңіл күйік алып, жедел жәрдем бригадасына табысталды», – делінген ТЖМ хабарламасында.
Өрттің алдын-ала себебі – техникалық ақаулық.
