Париждегі Олимпиадада жынысына қатысты дауға ұшыраған спортшы бар шындықты жайып салды, деп хабарлайды "Адырна" ұлттық порталы Reuters-ке сілтеп.
Гендерлік жанжалға ұшыраған алжирлік боксшы Иман Хелиф әрдайым әйел болғанын және әйел болып қала беретінін айтты. Оның сөзінше, спортшының аяғынан шалғандар көп болған.
«Бұл алтын медаль — маған қарсы жүргізілген науқанға ең жақсы жауап болды. Мен де кез келген әйел сияқты әйелмін. Әйел болып туылдым және әйел ретінде өмір сүрдім, бірақ күндес дұшпандарым бар», — деді Хелиф.
25 жастағы Хелиф Олимпиада финалында қытайлық Ян Люді жеңіп, чемпион атанды.
«Бұл менің арманым еді. Сегіз жыл ұйқысыз өтті, сегіз жылым шаршаумен өтті. Енді міне Олимпиада чемпионымын. Өте қуаныштымын. Мені қолдауға келген барлық адамдарға, бүкіл Алжирге, Парижге алғыс айтқым келеді», — деді Хелиф.
Айта кетейік, БАҚ беттерінде Иман Хелифтің жынысына қатысты түрлі ақпараттар тарап кеткен болатын.
