Белгілі фотограф суреттерін заңсыз пайдаланғандардан өтемақы өндірді, деп хабарлайды “Адырна” ұлттық порталы Азаттық рухына сілтеп.
Қазақстандағы белгілі фотограф Тұрар Қазанғап суреттерін рұқсатсыз пайдаланғандардан 3,6 млн теңге өтемақы сұраған.
Оның суреттерін заңсыз пайдаланған сайтты сотқа беріп, 1,8 млн теңге өтемақы өндіріп алды.
Іс Алматы қаласының мамандандырылған ауданаралық экономикалық сотында қаралған.
Фотограф суреттерін рұқсат алмастан пайдаланған сайттар туралы айтты. Сайт суретке автор атын жазбаған, пайдаланған суреттерге сыйақы төлемеген.
«Сайт фотографтың дәлелдерін жоққа шығаратын дәлелдер келтірген жоқ. Сот тараптар ұсынған барлық мән-жайларды және дәлелдемелерді ескере отырып, фотографтың талабын ішінара қанағаттандырды: жауапкерден 500 АЕК (1,8 млн теңгеден астам) өтемақы өндірілді», - деп хабарлады Жоғарғы соттың баспасөз қызметі.
