Шымкентте ер адам масаң күйде мешітке барып, телефон ұрлағаны анықталды, деп хабарлайды "Адырна" ұлттық порталы.
Оның әрекеті бейнебақылау камерасына түскен. Күдікке ілінген ер адам қаладағы мешіттің бірінде екі бірдей азаматтың ұялы телефонын ұрлапты.
Одан бөлек, кішкентай баланың қолындағы гаджетін де алдау арқылы қолды еткен. Бұл туралы қалалық ПД мәлімдеді.
"Полиция оны мас күйінде кезекті рет ұрлық жасаған кезде ұстады. Тәртіп сақшылары телефондарды заңды иелеріне қайтарды", - деді Шымкент қалалық ПД баспасөз хатшысы Бағлан Исатаева.
Қазір ұсталған ер адамға қатысты тергеу жүргізіліп жатыр.
