Оралда із-түзсіз жоғалып кеткен балалар табылды, деп хабарлайды "Адырна" ұлттық порталы.
Жоғалған балалар кәмелет жасына жетпеген. Олардың ең кішкентайы 4 жаста болған. Олар үйінен шығып кетіп, қайта оралмаған.
"БҚО полиция департаментінің барлық қызметі мен бөлімшелеріне және шекаралас облыстарға дереу іздестіруге бағыт-бағдар берілді. Нәтижесінде полиция қызметкерлері Ақтөбе облысындағы әріптестермен бірлесіп, жоғалған балаларды автобустардың бірінен тапты. Олар басқа аймақта тұратын әкесіне кетуге шешім қабылдаған. Қазіргі уақытта жоғалған балалардың барлығы аналарына қайтарылды. Олардың жағдайы жақсы, өмірлеріне ешқандай қауіп төніп тұрған жоқ", – делінген ІІМ хабарламасында.
