БҚО тұрғыны адам өлтірді деген күдікпен ұсталды, деп хабарлайды “Адырна” ұлттық порталы “Мой город”-қа сілтеп.
Ер адам туысын өлтірді деген күдікпен екі айға қамауға алынды. Қазір ол сотқа дейінгі тергеу кезеңінде қамауда болады.
Қандықол қылмыс 3 шілде күні БҚО-ның Ақсай қаласында болды.
Түнгі уақыт шамасында зорлық-зомбылық белгілері бар 22 жастағы ер адамның мәйіті табылды. Кейіннен Бөрлі ауданы полиция басқармасының қызметкерлері Ақсайдың 27 жастағы тұрғынын ұстады. Күдікті бұл әрекетін мойындаған.
