Павлодар облысында жасөспірім қызды өгей әкесі зорлады деген күдікке ілінді, деп хабарлайды "Адырна" ұлттық порталы.
Павлодар облысы Майқайың ауылының тұрғыны 15 жастағы өгей қызын зорлады деген күдікке ілінді. Қазір ер адам қамауға алынған.
«Зорлау дерегі бойынша қылмыстық іс қозғалды. Күдікті ұсталып, уақытша ұстау изоляторына қамалды», деп түсіндірді Павлодар облысының полиция департаменті.
Облыстық Бала құқықтары жөніндегі уәкіл Сәуле Шәкенева сотқа дейінгі тергеу жүріп жатқанын растаған.
«Мүмкін зорлық-зомбылық бірнеше рет болған шығар, әрине, балаға көмек пен тексеру қажет. Дәл осы кезеңде мектеп мұғалімі қыздың күйзелісіне назар аударғанын айта аламын. Нәтижесінде бала өз мәселесін ашық айтып берген», – дейді Сәуле Шәкенева.
Облыстық бала құқықтары жөніндегі уәкіл істі бақылауды жалғастырып, жәбірленушіге қажетті қолдау көрсететінін де атап өтті.
