2 шілдеде AmalBooks баспасының негізін қалаушы, баспагер Бақытжан Бұқарбай жаңа кітабының шығуына орай БАҚ өкілдерімен кездесу өткізбек, деп хабарлайды «Адырна» тілшісі.
«Сейсенбіде, яғни 2 шілде күні журналистер мен блогерлерді AmalBooks баспамыздан «Как управлять казахами» кітабының шығуына орай шай үстіндегі кездесуге шақырамын. Бұл басқосуда кітап бойынша сұрақтарыңызға жауап беремін. Әр келген адамға кітаптың бір данасын сыйлаймыз, яғни сіз алғашқылардың қатарында боласыз.
Аккредитация үшін +7 771 562 0333 хабарласыңыз. Журналист те, блогер де емеспін, бірақ қатысқым келеді десеңіз, жоғарыда нөмірге хабарласа беріңіз, шартын түсіндіріп береді»,—деп жазды ол.
Айта кетейік, еңбекте қазақ даласын отарлаудың алғашқы жылдарына (1731–1736) қатысты құнды деректер қамтылған.
