ҚР Жоғары Сотының Қылмыстық істер жөніндегі сот алқасының төрағасы Назгүл Рахметуллина Ұлттық қауіпсіздік комитеті төрағасының экс-орынбасары Самат Әбішке байланысты пікір білдірді, деп хабарлайды Adyrna.kz ұлттық порталы.
“Самат Әбіштің ісін мен қарамағандықтан істің мән-жайын білмеймін. Себебі мен бұл істе болмадым. Ал Қылмыстық Кодекстің 63 бабында қай кезде шартты түрде босатылуға болмайтындығы жазылған. Сыбайлас жемқорлық туралы, аса ауыр қылмыс жасаса шартты түрде соттау мүмкін емес. Менің білуімше мен айтқан санаттарға жатпаса, аса ауыр қылмыс, сыбайлас жемқорлық болмаса онда шартты түрде сотталуға ешқандай тыйым салынбаған”, - деді ол.
