CodiPlay - жетекші edtech стартапына БҰҰ Бас хатшысының қолдауымен Digital Public Goods Alliance (DPGA)* Digital Public Good (DPG) мәртебесі берілді. CodiPlay Қазақстандағы осы мәртебені алған үшінші компания болды, бұл оның әлемдік білім беру тәжірибесіне қосқан маңызды үлесінің көрсеткіші, деп хабарлайды “Адырна” ұлттық порталы DKNews.kz-ке сілтеп.
CodiPlay - бүкіл әлемдегі балалардың АТ (ақпараттық технологиялық) сауаттылығын арттыруға арналған кешенді шешім. CodiPlay қолданбасы қызықты мобильді ойындар арқылы Scratch, C++ және Python тілдерінде бағдарламалауды үйренуге мүмкіндік береді. Компания сонымен қатар заттар Интернеті (IoT) жобаларын жасауға арналған CodiKits қосымшасын ұсынады. Сандық қоғамдық игілік ретінде танылған CodiTeach веб-платформасы мұғалімдерге оқу бағдарламасын ұйымдастыруға арналған құралдарды қолдануға мүмкіндік береді.
DPG мәртебесі БҰҰ Тұрақты даму мақсаттарына (SDG) қол жеткізуге үлес қоса отырып, құпиялылық туралы заңдарды сақтай отырып, қатаң ашықтық пен қолжетімділік стандарттарына сәйкес келетін жобаларға беріледі. CodiPlay-дің DPG ретінде танылуы оның білім берудегі тең мүмкіндіктерді ілгерілетудегі рөлін атап көрсетеді, АТ сауаттылығын орналасқан жеріне немесе әлеуметтік мәртебесіне қарамастан әрбір балаға қолжетімді етеді.
"БҰҰ-нан цифрлық қоғамдық игілік мәртебесін алу - біздің компаниямыздың дамуындағы маңызды кезең. Ұзақ уақытқа созылған процеске қарамастан, біз әрқашан өз миссиямызға - IT-сауаттылықты барлығына қолжетімді етуге адал болдық. Бұл мәртебе біздің позициямызды нығайтып қана қоймайды. Дүниежүзілік сахнада, сонымен бірге барлығына сапалы білім беру жөніндегі БҰҰ-ның жаһандық мақсатына қол жеткізуге үлес қосады. Біз NURIS орталығына осы процесте көрсеткен қолдауы мен көмегі үшін шынайы алғысымызды білдіреміз» деді CodiPlay негізін қалаушы, бас директор Жанаділ Талдыбаев.
Бүгінгі таңда CodiPlay сегіз елде 750 мыңнан астам баланы оқытады және оны инвесторлар 100 миллион долларға бағалайды.
