ҚТЖ қызметкерлері 159 миллион теңгені ұрлағаны үшін сотталды

765
Adyrna.kz Telegram
Фото: ашық дереккөзден
Фото: ашық дереккөзден

ҚТЖ әскерилендірілген теміржол күзетінің жетекшілері сотталды. Бұл туралы бүгін, 31 мамырда Антикордың баспасөз қызметі жазды, деп хабарлайды «Адырна» тілшісі.

«Астана қаласының қылмыстық істер жөніндегі ауданаралық соты «Әскерилендірілген теміржол күзеті» ЖШС бас директоры Б. Нахановқа, оның орынбасары А. Мұқатаеваға және менеджер Р. Сидиковқа қатысты үкім шығарды.

Олар бейнебақылау жабдықтарын сатып алуға бөлінген 159,4 млн теңге сомасына ақша жымқырғаны үшін кінәлі деп танылды.

Сондай-ақ Наханов әскерилендірілген теміржол күзетінің жүргізушісі ретінде адамды жұмысқа орналастыру арқылы лауазымдық өкілеттіктерін асыра пайдаланғаны үшін сотталды»,—делінген хабарламада.

Сот үкімімен Нахановқа 8 жыл бас бостандығынан айыру жазасы тағайындалды.

Сол үкіммен Мұқатаева мен Сидиков 7 жылға бас бостандығынан айырылды.

Аталған адамдар мемлекеттік қызметте қызмет атқару құқығынан өмір бойына айырылды.

Үкім заңды күшіне енген жоқ.

Пікірлер