Футболдан Қазақстан ұлттық құрамасының бас бапкері Магомед Адиев қызметінен кетті. Бұл туралы бүгін, 31 мамырда федерациясының баспасөз қызметі айтты, деп хабарлайды «Адырна» тілшісі.
«Қазақстан футбол федерациясының президенті Әділет Барменқұлов футбол үйінде Қазақстан ұлттық құрамасының жаттықтырушылар штабымен кездесу өткізді. Бас бапкер Магомед Адиев мұндай шешімді отбасылық жағдайына байланысты қабылдағанын алға тартып, қызметінен кетті. ҚФФ мұндай бағытқа да дайын болды және келесі аптаның басында жаңа бапкерді таңдайды»,—делінген хабарламада.
Айта кетейік, Магомед Адиев футболдан Қазақстан құрамасының бас бапкері қызметіне 2022 жылы тағайындалған еді.
