Астанадағы тұрғын үй кешенінде подъездің күнқағары баланың үстіне құлап кетті. Желіде видео тарады, деп хабарлайды “Адырна” ұлттық порталы.
Кадрде ғимараттан шығып келе жатқан жасөспірімнің үстіне подъездің күнқағары құлап кетеді. Оқиға 12 мамырда болған.
"2013 жылғы бала 2-көпбейінді қалалық балалар ауруханасының травматологиялық пунктіне жеткізілді. Басының самай бөлігі жарылған. Жалпы жағдайы қанағаттанарлық. Бала хирургтің амбулаториялық бақылауына жіберілді", - дейді Астана қаласының әкімдігі.
Қалалық Денсаулық сақтау басқармасының мәліметінше, қарап тексергенде контузия нүктелі жаралар анықталған. Жалпы баланың жағдайы қанағаттанарлық.
