Журналистің шеберлігі мен қасиетін дамытуда мақала жазудың маңызы зор. Түсінікті, дәл және тартымды мәтіндер құра білу оқырмандардың ақпаратты жақсы қабылдауына ықпал етеді және журналистің ықпалын арттырады. Жазу қабілеті күрделі ойларды қарапайым және түсінікті тілмен жеткізуге мүмкіндік береді, ақпаратты кең аудиторияға қолжетімді етеді. Сонымен қатар, жоғары сапалы мәтіндер жасай білу журналистің бірегей стилінің қалыптасуына ықпал етеді. Бұл көптеген басқа авторлар арасында ерекшеленуге және медиа нарықтағы орнын нығайтуға көмектеседі. Осылайша, жазу журналистің кәсіби дамуының құрамдас бөлігі болып табылады және жақсы әрі тартымды журналистік контент жасауға ықпал етеді.
Кез келген сала маманы секілді, Ержұман Смайылдың да жылдар өте қаламы ұшталып, қозғайтын тақырыбы, көтеретін мәселесі күрделенді. Қатардағы жас тілші кезінде аймақтардың тыныс-тіршілігін баяндаумен болды. Аудандарға байланысты хабарларды жеткізді. «Лениншіл жас» пен «Егемен Қазақстан» газеттері шыңдаған Ержұман еш қиналмастан, бір кідірместен өзекті де, күрделі тақырыптарға қалам тербеді. Дегенмен публицист өз мансабының алғашқы жылдарынан-ақ бірқатар журналистік ерекшеліктерімен көзге түсті.
Бекзат ТУЛЕПБЕРГЕНОВ
