"Сүйектерді қайда жіберетіні белгісіз". Өндіріс орнынан 2 адамның қаңқасы табылды

4040
Adyrna.kz Telegram
Сурет: otyrar.kz
Сурет: otyrar.kz

Шығыс Қазақстан облысы Алтай ауданындағы өндіріс орнынан екі адамның бас сүйегі мен дене сүйегінің сынықтары табылды. Бұл туралы облыстық полиция департаменті айтты, деп хабарлайды «Адырна» тілшісі.

Департамент бастығының бірінші орынбасары Думан Қожахметов сүйектердің 100 жылдан астам уақыт бойы жерде жатқанын мәлімдеді.

«18 сәуір күні компания қызметкерлері екі адамның қаңқасын тауып, бұл туралы полицейлерге айтқан. Тергеу амалдары жүргізіліп, тиісті сараптамалар тағайындалды. Соның нәтижесінде, сүйектердің 100 жылдан астам уақыт бойы жерде жатқаны анықталды. Бірақ ол адамдардың өлу себебін білу мүмкін емес. Сүйектерді ары қарай қайда жіберетіндігі белгісіз. Басқа жерге жерлеу туралы шешім қабылдануы ықтимал», - деп түсіндірді ол.

Пікірлер