Спорттан екі жылға шеттетілген футболшы "Ордабасы" футбол клубының ойыншысы атанды, деп хабарлайды "Адырна" ұлттық порталы.
Бұл туралы "Ордабасы" футбол командасының ресми желідегі парақшасында жарияланды.
"Ресми: Айбол Әбікен – "Ордабасы" ойыншысы. Айбол, отбасымызға қош келдің", - делінген шымкенттік клубтың Instagram-дағы парақшасында.
Футболшы Айбол Әбікен 2022 жылы павлодарлық "Ақсу" сапында ойнап жүрген кезде допинг сынамасында тыйым салынған зат анықталғанына байланысты төрт жылға спорттан шеттетілген. Дегенмен, Ұлттық антидопинг орталығы ФИФА бұл мерзімді екі жылға қысқартты.
