Қазақстаннан анасын іздеген Мұрат Савельев өзін шетелде асырап алған бельгиялық анасымен қазақстандық оқырмандарын байланыстыратынын айтты, деп хабарлайды “Адырна” ұлттық порталы. Бұл туралы ол өзінің Instagram парақшасында видео жариялады.
Мұрат Савельев видеода өзін асырап алған бельгиялық анасымен байланысқа шығып онымен Қазақстандағы оқырмандарын байланыстыратынын айтты.
“Құрметті әкелер, аналар, аға-әпкелер! Бұл мені асырап алған анам Валери. Ол маған Испанияға Бельгиядан қонаққа келді. Валери мені асырап алу үшін 2004 жылы Қазақстанның Арқалық қаласына келген. Сіздердерде көптеген сұрақтың барын сеземін. Пікір алаңына сұрақтарыңызды қойыңыз, Валери оларға жауап бере алады деп ойлаймын. «Валери неге бала асырап алды? Неліктен Валери баланы Қазақстаннан асырап алғысы келді?» деген сынды сұрақтар сіздерді де толғандыратын болар?” деп жазды ол.
Посмотреть эту публикацию в Instagram
Естеріңізге сала кетейік, Мұрат Савельев “Бармысың, бауырым?” хабарының көмегіне жүгініп Қазақстандағы анасын іздеп Испаниядан арнайы келген болатын.
