Алматы облысында жоғалған 3 жасар қыз 10 күннен бері іздестіріліп жатыр, деп хабарлайды "Адырна" тілшісі.
17 наурызда үйден шығып кетіп, қайта оралмаған кішкентай қызды полиция, жергілікті тұрғындар мен еріктілер іздеп жатыр.
Оқиға Еңбекшіқазақ ауданы, Күш ауылында болған.
"Арнайы жасақ инспекторлары, кинологтар, жергілікті ПБ және жедел бөлім қызметкерлерінен арнайы іздестіру тобы құрылды. Қазір арнайы дайындалған иттер арқылы ауқымды іздестіру шаралары жүргізіліп жатыр", - деді Алматы облыстық полиция департаментінің басшысы Бауыржан Әленов.
